MAKARAAN tumangging magkomento sa isinampang kaso, korte na lamang ang nagpasok ng not guilty plea para kina Cedric Lee at Zimmer Raz sa ginanap na arraignment sa ksong serious illegal detention.
Ang pagiging umid ng mga akusado ay makaraang magmatigas ang kampo ng dalawa na magbigay ng anomang komento matapos basahan ng sakdal kanina sa Taguig City Regional Trial Court (RTC) para sa kasong isinampa ng aktor na si Vhong Navarro.
Ayon kay Atty. Alma Mallonga, abogado ni Navarro, bahagi na ng proseso na ang korte ang magpapasok ng plea kung ang isang akusado ay hindi tutugon sa nakasampang reklamo.
Bago naisagawa ang arraignment, niresolba muna ng korte ang hirit ng kampo ng negosyante na ipagpaliban ang pagbasa ng sakdal.
Agad namang ibinalik sa NBI detention facility ang dalawa matapos ang pagharap nila sa Taguig City RTC.
Itinakda ang pagdinig sa bail petition ng kampo ni Lee sa Mayo 6, 2014.
Samantala, lumutang ngayong araw ang impormasyon na balak na ring sumuko ni Deniece Cornejo, isa sa mga akusado sa kasong serious illegal detention.
The post Korte nagpasok ng ‘Not Guilty’ plea ni Cedric at Raz appeared first on Remate.
.. Continue: Remate.ph (source)
No comments:
Post a Comment