HUMIHINGI ng tulong ang pamilya ng overseas Filipino worker (OFW) na tubong Bacarra, Ilocos Norte na hinihinalang namatay dahil sa MERS coronavirus (MERS-CoV) sa Jeddah, Saudi Arabia para maiuwi na sa bansa ang bangkay nito.
Ayon sa hipag ng biktimang si Rosalina, ang OFW na si Charles Ilarde, 41, ng Brgy. Cabulalaan, Bacarra ay walang kaukulang dokumento nang magtungo sa nasabing bansa.
Sinabi niya na nagpatulong na sila sa Department of Foreign Affairs (DFA) ngunit hindi pa matukoy kung kailan maiuuwi ang bangkay ng nasabing OFW.
Nabatid na bago namatay ang biktima ay nagkasakit. Dinala siya sa isang ospital sa Jeddah ngunit hindi tinanggap dahil walang kaukulang dokumento tulad ng kanyang pasaporte.
Ayon pa kay Rosalina, wala pang ipinaparating sa kanila kung ang bangkay ay i-cremate o ipa-otopsiya bago iuwi sa bansa.
The post Pamilya ng MERS-CoV victim sa KSA, humihingi ng tulong appeared first on Remate.
.. Continue: Remate.ph (source)
No comments:
Post a Comment