DAHIL sa kakaibang ikinikilos ng isang binatilyo na nagwawala at nanginginig ang katawan ay dinala na ito ng kanyang pamilya sa ospital sa Bagulin, La Union.
Dito na nalaman na kumalat na ang rabies sa utak ng binatilyo bago ito binawian ng buhay.
Ayon sa health worker, isa pang 45-anyos na mister ang kanilang inoobserbahan na nakitaan na rin ng sintomas ng rabies matapos kagatin ng tuta na kumagat sa binatilyo.
Sinasabing kakaiba na rin ang ikinikilos ng hindi na pinangalanang biktima.
Sumailalim na rin sa pagsusuri ang apat pang kaanak na nakasalamuha ng dalawang nakagat ng tuta at naturukan na rin ng anti-rabies vaccine.
Samantala, mayroon pang dalawang kaso ng dog bite sa nabanggit na lugar ang naitala.
Una rito, naalarma ang La Union provincial veterinary office matapos matuklasan na kumain at ginawang pulutan ang asong positibo sa rabies ang 30 residente sa bulubundukin ng Bagulin, La Union noong nakaraang buwan ng Abril.
The post Binatilyo patay sa rabies sa La Union appeared first on Remate.
.. Continue: Remate.ph (source)
No comments:
Post a Comment