SWAK sa kulungan ang isang senglot na binata matapos habulin ng saksak ang kalugar sa Caloocan City, Lunes ng hapon, Marso 31.
Nahaharap sa kasong attempted murder at illegal possession of deadly weapon si Roel Perfenan, 25, ng Libis Reparo St., Baesa, ng lungsod.
Ayon sa biktimang si Constantine Ramos, 24, alas-1:30 ng hapon, nilapitan siya ng lasing na suspek sa nasabing lugar sabay bunot ng patalim.
Dahil dito, kumaripas ng takbo ang biktima na pilit hinahabol ng suspek hanggang sa makasalubong ang mga pulis na nagpapatrolya dahilan para madakip ang binata.
Agad dinala sa presinto ang suspek at sinampahan na ito ng kaso.
The post Senglot nanghabol ng saksak, timbog appeared first on Remate.
.. Continue: Remate.ph (source)
No comments:
Post a Comment