7 Pinoy nasa ‘500 Richest in the World’ ng Forbes magazine

PITONG Pinoy ang napabilang sa top 500 ng ‘World’s Billionaires’ ng Forbes magazine ngayong taon.

Nanguna sa pito ang nananatiling pinakamayaman sa Pilipinas na si Henry Sy na may $14.2-bilyong net worth.

Tumaas pa ang net worth ng 90-anyos na Pinoy billionaire mula sa $12.7B net worth nito noong nakaraang taon.

Pasok si Sy sa ika-73 puwesto habang anim pang Pinoy ang pasok sa top 500 ng listahan kabilang si John Gokongwei, Jr. (254) na may $5.8B, pang-291 naman si Enrique Razon, Jr. na may $5.2B, pang-330 si Andrew Tan na may $4.8B, pang-369 si Lucio Tan na may $4.4B, pang-369 si George Ty na may $4.4 B, at pang-405 naman si David Consunji na may $4.1B.

Pasok naman sa kabuuang 1,826 billionaires sina Tony Tan Caktiong na may – $2.7B (690), Lucio atd Susan Co – $2.3B (810), Robert Coyiuto, Jr. – $1.8B (1054), at si Manuel Villar – $1.6B (1190).

Sa ika-16 na pagkakataon naman, muling idineklara ng Forbes si Bill Gates bilang pinakamayamang tao sa buong mundo.

Mayroong $79.2-bilyong net worth ang 59-anyos na Microsoft founder. ROBERT TICZON

.. Continue: Remate.ph (source)

7 Pinoy nasa ‘500 Richest in the World’ ng Forbes magazine