Solon sa China — pag-aralan ang teritoryo bago mang-angkin

UMAPELA ang ilang kongresista sa China na pag-aralang mabuti ang territorial boundaries ng mga karatig bansa bago mang-angkin ng teritoryo.

May panunuyang hinimok ni Akbayan Partylist Rep. Ibarra Gutierrez na bumalik sa pag-aaral sa pagsusukat ng hangganan ng kanilang teritoryo.

Ito ay upang hindi nagkakamali sa pag-aangkin ng teritoryo ng ibang bansa ang China kagaya ng sa Pilipinas.

“How China measures and determines its territory is mind-boggling. The Ayungin Shoal is 105 nautical miles from the Philippines. The area is well within the 200 nautical miles of a Philippine exclusive economic zone which allows the Philippines to navigate and make productive use of the resources around the shoal under the United Nations Convention on the Law of the Sea.”

Binigyang-diin ni Gutierrez na panahon na para kumuha ng refresher course ang mga opisyal ng China para maging matalino sa pagtukoy ng territorial boundaries ng kanilang bansa.

Banggit pa ng kongresista, hindi tama na pati ang Ayungin Shoal na 105 nautical miles mula sa Pilipinas ay kakamkamin pa rin ng China gayong napakalinaw na pasok ito sa 200 nautical miles na Exclusive Economic Zone (EEZ) ng Pilipinas.

Suportado rin ng Akbayan ang ginawang hakbang ng gobyerno na tuluyang magsumite ng memorial sa International Tribunal for the Law of the Sea (ITLOS) dahil ito ang magbibigay ng mabigat na latay sa China bunga ng pangbu-bully nito.

Nagtitiwala si Gutierrez na kakatigan ng United Nations Arbitrary Tribunal ang posisyon at soberenya ng bansa sa West Philippine sea na gustong angkinin nang buong-buo ng China.

“If bilateral relations means China can use force, threat and coercion to enforce its will upon us, then by all means, the case we filed before the arbitral tribunal is an attempt to inflict severe damage to this abusive relationship. China must learn to respect its neighbors’ sovereignty. Our case before ITLoS is a lesson on how to treat others fair and just,” ani Gutierrez.

The post Solon sa China — pag-aralan ang teritoryo bago mang-angkin appeared first on Remate.

.. Continue: Remate.ph (source)

Solon sa China — pag-aralan ang teritoryo bago mang-angkin