SISIKAPIN ng mga doktor ng Ospital ng Makati at ng iba pang espesyalistang kinuha ni Janet Lim-Napoles na tapusin ngayong araw ang serye ng mga pagsusuri sa kondisyon ng kanilang pasyente.
Ayon kay Dr. Perry Peralta ng OsMak, bahagi ito ng paghahanda bago maoperahan si Napoles sa natuklasang bukol sa kanyang matris, pati na ang nararanasan nitong pagdurugo.
Giit ni Peralta, kailangan ito upang matiyak na kakayanin ng katawan ng pasyente ang anumang prosesong gagawin sa mga susunod na araw.
Tiniyak naman nitong regular silang magpapalabas ng mga medical bulletin para sa lagay ni Napoles, lalo’t marami ang interesado sa bagay na ito.
Gayunman, limitado umano sa pinahihintulutan ng korte ang maaari nilang ilahad sa publiko bunsod na rin ng mga legal considerations.
The post ‘Serye ng pagsusuri kay Napoles, tatapusin ngayong araw appeared first on Remate.
.. Continue: Remate.ph (source)
No comments:
Post a Comment