NAGHARAP sa round seven ang dalawang Pinoy GMs na sina John Paul Gomez at Richard Bitoon kaya naman nauwi lang sa draw ang kanilang laban sa DYTM Raja Nazrin Shah KL International Open Chess Championships 2014 sa Malaysia kahapon.
May tig 5 pts. sina No.3 seed Gomez (elo 2524) at ranked No. 20 Bitoon (elo 2414) sa event na ipinatutupad ang nine rounds swiss system.
Bukod kina Gomez at Bitoon, kasalo nila sa segundo puwesto ang siyam na woodpushers papasok sa eight at penultimate round.
“Maganda pa rin ang chance, maipanalo lang namin ni Richard (Bitoon) ‘yung huling dalawang laro.” ani Gomez.
Mag-isa sa unahan si top seed at super GM Sergei Tiviakov (elo 2651) ng The Netherlands na may 6 points matapos pisakin si IM Moulthun Ly (elo 2440) ng Australia.
Nakipagsiksikan din si Pinoy chesser FM Haridas Pascua (elo 2375) sa puwesto nina Gomez at Bitoon matapos kaldagin si IM Nguyen Huynh Minh Huy (elo 2478) ng Vietnam.
“Kailangan manalo kami sa last two rounds para maganda ang magiging resulta ng kampanya namin dito.” wika ni Pascua.
Nagwagi sina IM Oliver Dimakiling at Edsel Montoya habang tabla si IM Rolando Nolte para ilista ang tig 4.5 points.
Nabigo naman si Mari Joseph Turqueza (elo 2295) kay Kulpruethanon Thanadon (elo 2113) ng Thailand.
The post Pinoy woodpushers sumiksik sa 2nd spot appeared first on Remate.
.. Continue: Remate.ph (source)
No comments:
Post a Comment