HINDI na nagising mula sa mahimbing na pagkakatulog ang isang 46-anyos na dating overseas Filipino worker (OFW) matapos atakihin sa puso habang nasa loob ng isang hotel, kasama ang babaeng kaibigan kamakalawa ng gabi sa Pasay City.
Dead on arrival sa San Juan De Dios Hospital ang biktimang si Nico Lawas, residente ng Los Baños, Laguna matapos makaranas ng paninikip ng dibdib habang nasa loob ng Sogo Hotel sa F.B. Harrison, kasama ang kaibigang babae na itinago lamang sa pangalang “Christina”.
Batay sa tinanggap na ulat ni Pasay city police chief Senior Supt. Florencio Ortilla, sinundo ni Lawas ang kaibigang si Christina, kasama ang isa pang babae sa Domestic Airport alas-8 ng gabi mula Cebu. Inihatid muna nila ang kaibigan ni Christina sa bahay nito sa Comembo, Makati City bago sila nagtuloy sa Gumamela St., Pembo, Makati city kung saan nakatira si Christina.
Makaraan ang isang oras, muling lumabas sina Lawas at Christina upang kumain ng lugaw bago muli silang sumakay ng taksi at nagpasiyang mag-check-in sa Sogo Hotel sa F.B. Harrison para sa limang oras na pamamalagi.
Ayon kay Christina magkasabay silang natulog ng biktima na kapwa suot pa rin ang kanilang mga damit at walang naganap na pagniniig. Makaraan ang isang oras, nagising ang babae nang maulinigan ang paghahabol sa hininga ni Lawas na nakaupo sa isang silya.
Agad humingi ng tulong sa mga pamunuan ng hotel si Christina upang maisugod sa pagamutan si Lawas subalit patay na ito pagdating sa pagamutan.
Napag-alaman na isang balik-Islam si Lawas kaya’t tumanggi ang kanyang mga kaanak na isailalim sa autopsiya ang kanyang bangkay nang kunin ito sa morgue ng naturang pagamutan.
The post Kelot, inatake sa loob ng hotel, patay appeared first on Remate.
.. Continue: Remate.ph (source)
No comments:
Post a Comment