ILANG oras matapos ang pagsalubong ng Bagong Taon ay isang 7-taong gulang na lalaki ang namatay matapos sumiklab ang sunog sa isang residential area sa Malate, Maynila kaninang madaling-araw.
Sa inisyal na ulat ng Bureau of Fire sa Maynila, alas-2:00 ng madaling-araw nang magsimula ang sunog sa Muñoz St. sa Malate, Maynila.
Nakita naman ang katawan ng biktima sa kuwarto sa ikalawang palapag ng kanilang bahay sa Texas St. sa nasabi ring lugar.
Umabot sa ikatlong alarma ang sunog at naapula pasado alas-3 ng madaling-araw kung saan nahirapan ang mga bumbero na pasukin ang lugar dahil sa kipot ng mga daanan.
Maliban sa biktima ay mayroon pa umanong dalawang sugatan.
Pansamantala namang nanunuluyan sa covered court ng barangay ang nasa 20 pamilyang nasunugan.
Patuloy pa ang imbestigasyon ng BFP sa naging sanhi ng sunog na pinaniniwalaang dahil sa paputok. JOCELYN TABANGCURA-DOMENDEN
.. Continue: Remate.ph (source)
No comments:
Post a Comment