APAT katao ang kumpirmadong nalagas habang may 30 naman ang nasugatan nang sumabog ang bombang itinanim sa isang pampublikong palengke sa Mlang, North Cotabato nitong Miyerkules ng hapon (Disyembre 31).
Dead-on-the-spot sanhi ng pagsabog ang apat na biktima na hindi na nakuha ang mga pangalan.
Isinugod naman sa Mlang Doctors Mlang District Hospitals, at sa pagamutan sa Kidapawan City sanhi ng tinamong iba’t ibang pinsala sa ulo at katawan ang mga nasugatang biktima.
Blangko naman ang pulisya sa kung sino ang nasa likod ng pagpapasabog pero iniuugnay ito sa November 23 billard center bombing sa nasabi ring lungsod na ikinamatay ng tatlo at ikinasugat ng 20.
Sa ulat, naganap ang insidente dakong 3:45 ng hapon sa tapat ng pampublikong palengke sa may Bgy. Poblacion.
Ayon kay Rafael Porras, barangay chairman ng lugar, biglang sumabog ang bomba sa may tindahan ng mga prutas habang ang mga biktima ay namimili para sa pagsalubong sa Bagong Taon.
Naganap ang insidente isang araw bago natiklo ang nasa likod ng pagsabog noong November 23. ROBERT TICZON
.. Continue: Remate.ph (source)
No comments:
Post a Comment