LIMA ang nasawi habang dalawa ang sugatan makaraang lamunin ng apoy ang kanilang tahanan sa Las Piñas City kaninang umaga.
Nabatid na magkakamag-anak ang mga nasawi na hindi pa batid ang pagkakakilanlan sa Nomad St., Pulang Lupa Dos. Habang dalawa rin sa kanilang kamag-anak ang nasugatan.
Patuloy na inaalam ng awtoridad ang dahilan ng sunog.
Samantala, kaninang madaling-araw din nagkaroon ng sunog sa Quezon City kung saan 50 residente ang nawalan ng tahanan nang masunog ang 11 bahay sa Bgy. Pasong Tamo.
Hinihinalang nagmula ang sunog sa naiwang nakasinding kandila habang wala namang nasugatan ngunit sumira nang may P300,000 halaga ng ari-arian.
Nagsimula ang sunog bandang alas-3:44 ng madaling-araw na umabot sa ikalawang alarma at naapula bandang alas-4:30 ng madaling-araw. MARJORIE DACORO
.. Continue: Remate.ph (source)
No comments:
Post a Comment