PINAGTATAGA ng isang may diperensya sa pag-iisip ang kanyang kapatid na nakaratay sa higaaan sanhi ng mild stroke sa Quezon nitong Linggo ng gabi (Disyembre 28).
Dead-on-the-spot sanhi ng tinamong taga sa iba’t ibang parte ng katawan ang biktimang si German Flores, 48.
Nahuli naman agad at sasampahan ng kaukulang kaso ng pulisya ang suspek na si William, 42, na sinasabing may mental disorder.
Sa ulat, naganap ang insidente dakong 11:45 nitong Linggo ng gabi sa mismong kuwarto ng biktima sa Bgy. Ilayang Owain, Sampaloc, Quezon.
Bago ito, nagkaroon na mild stroke kamakailan ang biktima kaya naratay ito sa kanyang higaan at binabantayan ng suspek.
Pero sa hindi malamang dahilan, biglang kinuha ng suspek ang kanilang itak sa kusina saka pinagtataga ang kanyang may sakit na kapatid.
Hindi pa nakontento, kinaladkad pa ng suspek ang bangkay ng kanyang kapatid at itinapon sa cockpit arena na malapit lamang sa kanilang bahay. ROBERT TICZON
.. Continue: Remate.ph (source)
No comments:
Post a Comment