BUGBOG-SARADO ang isang hinihinalang bangag sa droga na nang-hostage ng isang tatlong-taong gulang na babae kaninang umaga (Dec. 31,) sa Pasay City.
Kinilala ng awtoridad ang suspek na si Rowel Abarquez, 40, ng no. 2701 Guatemala St., Bgy. San Isidro, Makati City.
Dahil dito, nasa state of shock ang ‘di pinangalanang bata na nasa kustodiya na ng Pasay-DSWD.
Sa ulat ni SPO4 Cris Gabutin ng Investigation and Detective Management Division, naganap ang insidente dakong 6:00 ng umaga sa kanto ng Taft Ave. at Primero de mayo ng naturang lungsod.
Dahil sa kalanguan sa droga, nangungursunada ang suspek sa bawat taong nagdaraan sa lugar, at isa sa naglalakad ay binato ng bote sa ulo kaya nagkagulo na lugar na labis na ikinatakot ng mga tao.
Nagkataong nakasakay ng jeep si Marites Mijares, 50, ng Imus, Cavite, bitbit ang kanyang na apo nang biglang pumasok sa pampasaherong jeep ang suspek at inagaw ang bata sa lola sabay tutok ng patalim sa leeg.
Nagtakbuhan pababa ng jeep ang mga pasehero habang nakatutok ang patalim sa bata at pinagbantaang sasaksakin ito.
Nang tumalikod ang suspek, isang pulis na kinilalang SP1 Timothy Mangote ang napadaan sa naturang lugar na nakakuha tiyempo at dinamba ang suspek sabay pasok sa jeep ng mga galit na taumbayan at binugbog ang suspek.
Nailigtas ang bata habang dinala na himpilan ng pulisya ang suspek. JOHNNY ARASGA
.. Continue: Remate.ph (source)
No comments:
Post a Comment