BUMABANDERA na sa mahigit 160 katao ang nabiktima ng paputok bago ang pagsalubong ng bagong taon mamayang gabi.
Ipinagmalaki pa ng DOH na mas mababa ito ng 67 cases o 29% sa mga naitalang insindente limang taon na ang nakararaan.
Sa nasabing kaso 160 rito ay firecracker-related injuries, dalawang kaso ng fireworks ingestion kasama na ang 9-taong gulang na batang isinugod sa Quezon City.
Ayon naman kay Department of Health (DOH) Spokesperson Lyndon Lee Suy, mas mahigpit na ang kanilang monitoring dahil mamayang gabi pa ang peak ng paggamit ng paputok bilang pagsalubong sa Bagong Taon.
Muli namang nanawagan ang nasabing ahensya na iwasang gumamit ng firecrackers para hindi na madagdagan ang bilang ng mga biktima ng paputok.
Lalong maigi umanong gumamit na lamang ng mga alternatibo para makagawa ng ingay gaya ng pagpapatugtog ng malakas na musika, paggamit ng torotot at iba pa. JOHNNY ARASGA
.. Continue: Remate.ph (source)
No comments:
Post a Comment