NAGPATIWAKAL sa pamamagitan ng pagbigti ang isang umano’y adik na lalaki nang makaramdam ito ng depresyon nang masobrahan ito sa paggamit ng droga sa Navotas City kahapon ng umaga, Disyembre 27.
Natagpuang patay sa loob ng kanilang bahay sanhi ng matagal na pagkakabigti ay nakilalang si Reginio Sebastian, 29, ng Tulay 7, Bgy. Daanghari ng nasabing lungsod.
Base sa imbestigasyon ni PO3 Jeffrey Montero, dakong 9:00 ng umaga nang matagpuan ang bangkay ng biktima na nakabigti ng nylon cord sa loob ng kanilang bahay.
Natuklasan ang bangkay ng biktima ng kapatid nitong si Marcial Sebastian na agad na tumawag sa himpilan ng pulisya upang ipaalam ang pangyayari at maimbestigahan ng mga awtoridad.
Lumalabas sa imbestigasyon ni PO3 Montero nasobrahan sa paggamit ng droga ang biktima kaya nakaramdam umano ito ng depresyon dahilan para magbigti.
Hanggang sa kasalukuyan naman ay patuloy na nagsasagawa ng masusing imbestigasyon ang mga awtoridad upang matukoy kung may naganap na foul play sa pagkamatay ng biktima. ROGER PANIZAL
.. Continue: Remate.ph (source)
No comments:
Post a Comment