NAPUTULAN ng kamay ang isang miyembro ng fire volunteer brigade nang masunog ang isang malaking populasyon sa Quezon City kaninang umaga, Enero 1.
Hindi na naisalba pa ng mga manggagamot sa Chinese General Hospital (CGH) ang kanang kamay ng biktimang si Paul Manuel matapos masabugan ng liquefied petroleum gas (LPG).
Mayroon din naman na mga residente ang nasaktan sa sunog pero minimal lamang ang tinamong pinsala habang halos maubos naman ang may 4,000 magkakadikit na kabahayan na pawang gawa sa light materials.
Sa ulat, naganap ang insidente alas-7 a.m. sa Kaingin Bukid, West Riverside, sa Bgy. Apolonio Samson, Q.C.
Bago ito, bigla na lamang sumiklab ang sunog na umbot sa Task Force Alpha sa isa sa mga bahay sa lugar na mabilis na kumalat sa mga kalapit nitong bahay.
Pero habang inaapula ng iba’t ibang bumbero ang sunog, magkakasunod na sumabog ang mga LPG na nasa mga naapektuhang kabahayan kaya tinamaan sa kamay si Manuel.
Dahil umaapoy ang dadaanan, napilitang lumusong ang ilang residente sa katabing ilog bitbit ang kani-kanilang gamit. At dahil din sa malakas ang ihip ng hangin ay naapula ang sunog pasado 10:15 ng umaga.
Nabatid mula kay Bgy. Captain Cheche De Jesus na ang natutupok na lugar ang isa sa pinakamalalaking komunidad ng informal settlers na umuukopa sa nasa 4,000 kabahayan. ROBERT TICZON
.. Continue: Remate.ph (source)
No comments:
Post a Comment