PATAY ang isang 19-anyos na babae nang pagsasaksakin ng kanyang lihim na karelasyon kaninang umaga sa Sta. Mesa, Maynila.
Namatay habang ginagamot sa UERMM hospital ang biktimang si Jackie Bugay, estudyante at residente ng #26 Gladiola Mall Greenville, Condominium, Sta.Mesa, Maynila.
Naka-confine naman sa nasabi ding ospital ang suspek na si Joseph Espiritu, 32, may-asawa, call center agent, ng # 064 P. Alcantara St., Bgy. VII-B, San Pablo City, Laguna.
Ayon kay P/Insp. Steve Javier Casimiro, hepe ng MPD-Homicide Section, may lihim umanong relasyon ang dalawa na umabot ng pitong buwan.
Sa imbestigasyon ni SPO1 Christian Caparas, alas-9:00 nang maganap ang insidente sa loob ng bahay na tinutuluyan ng biktima na umano’y pag-aari ng kanyang bayaw.
Sinabi naman ng kasambahay na si Recil Ramos, bago ito namalengke pasado alas-5:00 ng umaga ay nakita pa nitong magkatabing natutulog ang dalawa sa sala ng bahay sa unang palapag.
Pagbalik nito alas-8:30 ng umaga, narinig na lamang niyang sumisigaw ang biktima na tila sinasaktan ng suspek.
Sinubukan umano nitong buksan ang harapang pintuan ng bahay ngunit hindi mabuksan kaya humingi na lang ito ng saklolo sa sekyung naka-duty sa condo.
Sa tulong ni SG Bryan Espino Reyes at nang kapitbahy na si Nestor Morris Dantes ay pinasok nila ang bahay kung saan pintuan sa likurang bahagi ng bahay sila nakapasok.
Dito na bumungad sa kanila ang biktima na nakahandusay sa hallway ng ikalawang palapag ng bahay katabi ang noo’y nagising na kapatid na si Kim Charles.
Agad na isinugod ang biktima sa nasabing ospital gayundin ang suspek na naglaslas naman sa kanyang leeg ngunit namatay din ang biktima habang nilalapatan ng lunas.
Napag-alaman ding nakikipaghiwalay na umano ang biktima sa suspek dahil may petisyon ito mula sa kanyang ina at nakatakda nang umalis patungong abroad bukod pa sa may asawa umano ang kanyang karelasyong suspek.
Ito umano ang hinihinalang dahilan ng pananaksak at pagpatay ng suspek sa biktima.
Sasampahan ng kasong murder ang suspek sa Manila City Prosecutors Office. JOCELYN TABANGCURA-DOMENDEN
.. Continue: Remate.ph (source)
No comments:
Post a Comment