UMAPELA na ng tulong sa Estados Unidos ang Indonesia kaugnay sa nawawala pa ring AIrAsia Flight QZ8501 na bumiyahe mula Indonesia at patungong Singapore.
Ito’y kahit pa nagkaroon na ng ilang mahalagang development, matapos may namataang kahina-hinalang debris ang Orion aircraft ng Autsralia na isa sa tumutulong sa search operation.
Ayon kay Bambang Sulistyo, head ng Indonesia search-and-rescue agency, maliban sa Amerika ay nagpapasaklolo na rin sila sa iba pang malalaking bansa gaya ng United Kingdom at France para sa karagdagang underwater search operation.
Sa ngayon ay limang bansa na ang katuwang ng Indonesia kabilang ang Malaysia at Singapore, habang nagpahayag na rin ng kahandaan ang sandatahang lakas ng Pilipinas na tumulong.
Samantala, sa ikatlong araw ng search operation sa nawawalang Malaysian carrier, palalawakin pa sa apat na area sa malalim na bahagi ng Java Sea ang rescue operation. JOHNNY ARASGA
.. Continue: Remate.ph (source)
No comments:
Post a Comment