MERONG premiere night ang launching movie ni Shalala Reyes sa darating na lunes March 31, ang Etchoserang Frog, at opening day na sa April 2. Kabadong-kabado na siya at hindi mapalagay.
‘Di raw niya alam ang gagawin at parating naglalaro sa isipan niya kung ano ang magiging resulta sa first day showing nito. Kaya dahil sa sleepless night ang hatid sa kanyang kaiisip kung tatangkilikin ang una niyang starring role, nagkaroon tuloy siya ng LBM. Siguro nangyayari talaga ito sa iba pang mga artista kapag malapit na ang showing ng pelikula nila.
Kasama pa rin si Shalala sa Kumare Club ng Good Morning Girls sa tv5.
Etchoserang Frog na rin lang ang pinag-uusapan, merong isang TV host/comedian na not too long ago ay ipinangangalandakang meron siyang dyowang babae. Gusto raw niya itong anakan. Kahit na raw siya ay member ng third sex ay gusto niyang magkaroon ng sariling anak.
Ang kaso nga raw ay etching lang niya. Sabi ng nagkuwento sa amin, imahinasyon lang daw kasi niya dahil hanggang ngayon ay waley naman daw. Ni hindi na napag-uusapan ang ambisyon niyang maging tatay na nanay, natawa tuloy ang taga-gupit ko ng buhok dahil may pagka-etchosera de primera estancia de Pasig Rizal ang gagah. Hahahaha!
-0-
WIN ang beauty ni Dennis Trillo pagka-best Actor as outstanding actor in a drama series sa nakabibilib na performance niya sa My Husband’s Lover sa katatapos na Golden Screen Awards na ginanap sa Teatrino’s Greenhills na kahit walang TV coverage ay okay na rin sa mga dumalo.
Maganda sana kung nag-tie na lang sila ng kanyang ka-loveteam na si Tom Rodriguez.
Si Carla Abellana nga pala ang tinanghal na oustanding actress kahit na walang ka-effort effort ang acting.
Maraming hindi nakarating sa parangal. Kuwento sa amin, mga nanalo pa man din at ipinapalagay na inisnab ang affair tulad na lang ni Anne Curtis na nanalo bilang Best TV Host.
No show raw ito at ang sabi, meron daw itong taping ng Dyesebel.
Ang kaso, nasa kasal daw ito ni Karylle.
True ba ito?
Natuwa kami sa mga first timer na nakatanggap ng awards like Pokwang bilang best oustanding actress in a comedy/Gag show. Walang pagsidlan sa tuwa si Pokey sa kanyang natamong awards.
Kami rin ay natutuwa para sa kanya, ganu’n din kay Sef Cadayona na tumanggap ng oustanding supporting actor in a comedy/Gag Show. Itinanghal din ang paborito naming character actor na si Kevin bilang Oustanding Actor in a support role, pati na rin kay Glydel Mercado na counterpart ni Kevin.
Narito pa ang ilan sa mga no show sa Golden Screen Awards na mga winners pa man din. Kris Aquino, Boy Abunda, Ted Failon, Vicky Morales, Jessica Soho, Ces Drilon, Julius Babao, Cristy Fermin, Luis Manzano, Iza Calzado, Angel Aquino at Ferdinand Recio.
Buhket? Wala ba silang bilib sa Award Giving Body na Ito? Nagtatanong lang. Ano kaya hindi na lang ibigay ang mga trophy sa mga taong no show?
Puwede kaya ‘yun? Ciao Bambino!
The post Etchoserang frog talaga! appeared first on Remate.
.. Continue: Remate.ph (source)
No comments:
Post a Comment