THERE was a sign of relief from the press sa ginanap na finale presscon for Honesto dahil naging very honest sina Cristine Reyes, Paulo Avelino at ang wonder boy na si Raikko Matteo sa mga tanong especially from the sexy and flawless Cristine. “Oo single ako ngayon at loveless at hanggang maari, gusto kong bigyan ang sarili ko ng break para magawa ko ang gusto kong gawin para sa career ko. “Siguro, 2 to three years pa at isang taon na akong walang lovelife,” litanya ng Calayan endorser.
Dagdag pa nito, “Sa rami ng work ko, siguro puwede rin akong magka-lovelife kung mismo ang guy ang unang gumawa ng first move kasi kung ako ang aasahan, kulang ang oras ko. Magiging loveless talaga ako.”
Inamin nitong seryosong tao ang kanyang partner sa Honesto na si Paolo Avelino at never naman daw itong nagparamdam na may gusto sa kanya. Gusto niya ang pagiging dedicated nito sa kanyang work at nababaitan naman siya rito na isa sa kanyang gustung-gusto sa kanyang magiging makarelasyon. “Di naman siya nagparamdam, wala ngang first move eh!” paeklay nito.
Inamin din nitong lahat ng kanyang mga naging ex ay naging friends niya ngayon like Rayver Cruz na magkalapit lang ang kanilang tinitirahan kaya madalas silang nagkakausap at lumalabas. Unlike Derek Ramsey na magkalapit din ang kanilang tinitirahan pero walang panahon na mag-bonding dahil sa sobrang abala ang dalawa sa kanilang trabaho.
Aniya, “Nagkasama kami sa isang wedding ng anak isang kaibigan, magkasam rin kami sa pag-uwi. Di ba may tsika na nagkalikan na kami? Hindi, friends lang talaga kami.”
Inamin din nito ang tsika sa kanilang dalawa ni Dennis Trillo na nakitang magkasama pero kailangan ilihim ang kanilang pagiging magkaibigan dahil kailangan daw, as simnple as that! hence, di na namin inungkat at kinulit.
Inamin nito na naging syota niya si Mark Herras at tuloy pa rin ang kanilang communication dahil mayroon silang Starstruck family. Nagulat siya sa isyu ngayon ng aktor na may naanakan ito pero sabi nito, kung siya ang nasa lugar ni Ynah Asistio at mahal pa rin ang aktor, tatanggapin niya ang pang- yayari. “I will deal with it,” one-liner nito.
Sa ngayon, inamin nitong may nagpaparamdam sa kanya na isang basketball player named Kevin sa Instagram.
Ipinakilala ito sa kanya ni Vice Ganda and she finds the guy mabait. Medyo gusto niya dahil weakness niya ang guy na mabait lalo pa, marami itong ipinapadalang picture sa kanya na kasama nito ang kanyang batang kapatid.
Aniya, “Hindi ko alam kung nanliligaw siya kasi ‘hindi ba ang nanliligaw ay pumapanhik ng bahay pero ngayon, iba na talaga, idinadaan na lang sa pa-text-text eh. Tanggapin na natin na ito na ang nangyayari ngayon. Di ako alam kung siya na pero bata pa naman kami, 25 ako at 23 siya pero gusto ang quality niya, mabait.”
And the finale, friends lang talaga ang turingan nito sa kanyang mga naging ex at kung may magseseryoso sa kanya na magkabalikan at maging sila na ang magkatuluyan, “Dapat nand’yan siya sa panahong ready na ako to settle down kasi gusto ko rin magka-baby. Hinihiram ko nga ang aking pamangkin kasi love ko babies.”
Isang linggo na lang at magwawakas na ang Honesto na kahit nagre-rate ito ng napakataas ay kailangan nitong magpaalam hindi tulad ng May Bukas Pa na inabot ng halos isang taon. Napag-alaman namin na good for 6 weeks lang ang MBP pero hindi nila akalaing nakadiskubre sila ng wonder boy sa katauhan ni Santino kaya na-extend ito ng ilang buwan at halos inabot ng isang taon.
Kaya naman nabuo ang Honesto ay dahil kailangan ng manonood ng palabas na nagbibigay inspiration at encouragement. But sad to say, it has to end and this time, Kapamilya means business. Maraming mga show ang naka-line-up at ang iba ay nagsimula nang mag-taping at kailangan bigyan din ng trabaho ang maraming talents. But the fans of Honesto need not to despair dahil mayroon silang apat na linggo na mapapanood ang 5 year old actor sa Once Upon A Time at may isa pang project na niluluto para sa kanya ng ABS-CBN at Dreamscape.
The post Cristine Reyes, naghihintay ng 1st move ni Paulo appeared first on Remate.
.. Continue: Remate.ph (source)
No comments:
Post a Comment