P70,000 cash nadukot sa Japanese sa LRT

AABOT sa P70,000 cash at credit cards ang natangay sa 48-anyos Japanese national nang madukutan habang sakay sa Light Railways Transit 1 sa Pedro Gil Station sa Taft Avenue, Maynila.

Kasama ang kanyang mga kababayang Hapon, nagtungo sa Manila Police District-General Assignment Section (MPD-GAS) ang biktimang si Nomura Takayuki, 48, pansamantalang nanunuluyan sa Manila Pavilion Hotel sa Ermita, Maynila.

Ayon sa Haponesa, dalawa pa nitong kaibigan ang kasama niyang sumakay ng LRT1 sa United Nation Avenue station kahapon.

Pagsapit sa Pedro Gil Station, naramdaman niya na nawawala na ang kanyang pitaka na may lamang cash at credit cards.

Dahil dito, nagpasya na bumaba sa nasabing istasyon ang biktima at nagreklamo sa guwardiya na siya namang nagrekomenda sa biktima na magtungo sa tanggapan ng MPD-GAS upang doon magreklamo.

The post P70,000 cash nadukot sa Japanese sa LRT appeared first on Remate.

.. Continue: Remate.ph (source)

P70,000 cash nadukot sa Japanese sa LRT