P0.70 sa power rate hike mapupunta sa gobyerno

Ni Ellson A. Quismorio

Mapupunta sa kaban ng pamahalaan ang 70 sentimos mula sa P4.15 per kiloWatt-hour (kWh) power rate hike na ipatutupad ni Manila Electric Company (Meralco).



Ito ang naging obserbasyon ni Senate Majority Floor Leader Alan Peter Cayetano sa pagdinig ng Energy Committee noong Miyerkules kung saan naisiwalat na makakukuha ang gobyerno ng 70 sentimos sa Value-Added Tax (VAT) sa pinakamalaking power rate hike sa kasaysayan.

Sa pagdinig sa Senado, inihayag ni Meralco President Oscar Reyes na ang power rate hike ay binubuo ng P3.44 per kWh pagtaas sa generation charge at may 70 sentimos VAT add-on.

Sinabi ni Reyes na ang tax charge ay tiyak na mapupunta sa gobyerno.

“This government has been apologizing for the rate hike, saying that they can’t do anything aside from the ERC (Energy Regulatory Commission) because it’s the private sector. But it turns out they will get P0.70,” sabi ni Cayetano.

Kung ganito lang ang magiging epekto, sinabi ni Cayetano na mas mabuti pa ang dagdag-presyo sa petrolyo dahil malaki ang makokolektang buwis mula rito.

.. Continue: Balita.net.ph (source)

P0.70 sa power rate hike mapupunta sa gobyerno