IKINAKASA ngayon ng Liberal Party si Justice Secretary Leila de Lima at rehabilitation czar Panfilo Lacson bilang senatorial slate sa 2016 presidential elections.
Ayon kay LP chair for political affairs Caloocan Rep. Edgar Erice, maraming pinagpipiliang senatorial candidates para punuan ang 12 senate-candidate slots para sa darating na halalan.
Maliban kina De Lima at Lacson, ikinukonsidera rin ng LP sa line-up sina Camarines Sur Rep. Leni Robredo at Presidential Adviser on Food Security and Agricultural Modernization Francis “Kiko” Pangilinan.
Aasahan na ring sasali sa grupo sina re-electionist senators Teofisto Guingona III, Ralph Recto at Senate President Franklin Drilon.
Nabatid na noong Setyembre, kahit pumasok sa Pulse Asia survey si De Lima, bagama’t hindi pa rin ito nakapagdedesisyon kung tatakbo sa mas mataas na posisyon dahil magpo-focus muna umano siya sa kanyang trabaho bilang Cabinet Secretary. JOHNNY ARASGA
.. Continue: Remate.ph (source)
No comments:
Post a Comment