KAKALIMUTAN muna ni reigning UAAP MVP Kiefer Ravena ang pagiging magkaribal nila ni De La Salle star player Jeron Teng para sa isang charity game.
Magsasama sina Ravena at Teng anak ng mga dating Philippine Basketball Association, (PBA) players sa Team PCWorx sa “All In,” charity basketball event na gaganapin sa November 5 sa Mall of Asia Arena.
Tatampukan ng mga manlalaro na galing sa UAAP at NCAA stars kung saan ay hahawakan ito ni two-time grandslam-winning coach Tim Cone ang Team PCWorx.
Plano ng mga organizers na magtayo ng matitirhan ang mga mahihirap na Pilipino sa tulong na rin ng gawad kalinga.
“It will be a lot of fun,” wika ni Ravena. “It would be nice to play alongside my rival, after all, this is for a good cause.”
“And for us from the UAAP and NCAA playing for coach Tim, I’m sure we all will learn a lot from him. It’s an honor to play for one of the winningest coaches in PBA history,” dagdag pa nh Ateneo hotshot.
Kakampi nina Ravena at Teng sina Jeth Troy Rosario ng reigning UAAP champion National University, Mark Belo ng FEU, nakababatang kapatid ni Ravena na si Thirdy, teammate ni Teng sa La Salle na si Almond Vosotros, Javee Mocon at Ola Adeogun ng NCAA five-peat champion San Beda at Jaymar Perez ng San Sebastian at dating NBA stars Eddy Curry at DerMarr Johnson.
Kakalabanin ng Team PCWorx ang Streetball All-Stars na Team gawad kalinga na sina Grayson “The Professor” Boucher, Larry “Bone Collector” Williams, Taurian “Air Up There” Fontanette, Gary “G-Smith” Smith, Aaron “AO” Owens, Anthony “Mr. Afrika” Pimble at Ryan “Special FX” Williams habang ang coach nila ay si former NBA MVP Allen Iverson.
Kasama rin sa team gawad Kalinga sina former PBA stalwarts Jerry Codinera, Willie Miller at Renren Ritualo.
“Allen Iverson is one of those players who revolutionized the game of basketball. He is “The Answer”. He changed the game in so many ways that you still see those changes on the court. I can’t wait to meet him,” sabi ni Ravena.
Bukod sa charity game, magsasama sina Iverson and Cone para sa isang youth basketball clinic para sa edad 10 hanggang 15 sa Gawad Kalinga Bulaklakan Chapter sa Bgy. Holy Spirit sa Quezon City sa Nobyembre 4.
Ang event ay suportado ng Philippine Airlines, NBA Café Manila, Solaire Resort at Casino, Samsung, Intel, Microsoft, PhilCare, Canon, Rapoo, Accel at Mall of Asia Arena.
May ilang tickets pa sa “All In” ang mabibili sa online at www.smtickets.com sa lahat ng SM Tickets outlets at piling PCWorx branches sa Metro Manila. ELECH DAWA
.. Continue: Remate.ph (source)
No comments:
Post a Comment