Pagdinig sa BBL, ipagpapatuloy na

MULING ipagpapatuloy ngayong Martes ng House Ad Hoc Committee ang pagdinig sa Bangsamoro Basic Law kung saan tatalakayin ang probisyon ng “income and wealth sharing.”

‎Ayon sa chairman ng komite na si Cagayan de Oro City Rep. Rufus Rodriguez, pangungunahan ng mga opisyal ng Department of Finance (DoF), Bureau of Internal Revenue (BIR), Bureau of Customs (BoC), Bangko Sentral ng Pilipinas (BSP),at Department of Budget and Management (DBM) ang pagdalo sa pagdinig.

Sa hapon naman ay pakikinggan ng komite ang pahayag mula sa kinatawan ng Commission on Audit (CoA), Commission on Elections (Comelec) at Civil Service Commission (CSC).

“We will hear the DoF, BIR, BoC, Bangko Sentral ng Pilipinas and DBM on the finance, wealth and income sharing provisions of the BBL. In the afternoon, we will hear CoA, Comelec and CSC,” ani Rodriguez.

Tiniyak naman ni Basilan Rep. Jim Hataman-Salliman na raratsadahin ng komite ang pagdinig sa BBL hanggang Miyerkules upang agad itong maipasa.

‎Sa unang pagdinig ng komite bago nag-recess ang Kongreso ay dumalo ang mga kinatawan mulas sa Government Republic of the Philippines (GRP), Office of the Presidential Adviser on the Peace Process (OPAPP), Moro Islamic Liberation Front (MILF) at Bangsamoro Transition Commission. MELIZA MALUNTAG

.. Continue: Remate.ph (source)

Pagdinig sa BBL, ipagpapatuloy na