KABILANG ang direktor ng Manila Police District sa apat na sinibak sa puwesto ng Department of the Interior and Local Government (DILG).
Si MPD District Director Chief Superintendent Rolando Asuncion ay papalitan ni Senior Superintendent Rolando Nana.
Ang pagsibak sa puwesto sa nasabing mga opisyal ay bahagi ng “reinvigorated anti-criminality campaign” sa Metro Manila.
Ang rigodon ay inirekomenda ng National Capital Region Police Office.
Sinibak din sa puwesto ang direktor ng Quezon City Police District, Southern Police District at Northern Police District.
Tanging ang opisyal naman ng Eastern Police District ang hindi nagalaw.
Matatandaan na una na ring sinibak sa puwesto ang iba pang mga station commander sa NCR kung saan limang opisyal ang tinanggal at pinalitan sa puwesto.
Kabilang dito sina Superintendent Luis Francisco (Meisic-MPD); Superintendent Rizalino Padrique (Sampaloc-MPD); Superintendent Restituto Arcangel (Sta. Mesa-MPD); Superintendent Mannan Muarip (Malate-MPD); Superintendent Alberto Barot (Sta. Ana-MPD). Jocelyn Tabangcura-Domenden
.. Continue: Remate.ph (source)
No comments:
Post a Comment