ALAGANG-ALAGA talaga ng GMA 7 itong si Marian Rivera. Imagine! Hindi pa natatapos ang kanyang teleserye, may bagong show na agad na kapalit ang aktress. Well, sa matagal na panahon ay pinatunayan naman kasi ni Marian ang kanyang pagiging Reyna ng Kapuso network kung saan halos lahat ng kanyang teleserye ay naging top-rating naman.
Kaya deserved ng alaga ni Sir Rams David ang mabigyan agad siya ng follow-up. At ‘yung next project ng magandang aktres sa GMA na Dance show ay bagay na bagay sa kanya dahil pagdating sa sayawan ay pinatunayan nitong she’s a real dancer. Hindi ba’t gumawa pa nga siya noon ng dance album kung saan pumatok ang isa sa cut nito na Sabay Sabay Tayo. Hindi lang ‘yung dance move na pinauso ni Marian sa kanyang fast Tagalog song ang sumikat kundi naging Platinum pa ang album niyang ito sa Universal Records.
Ngayong may sarili na siyang Dance show ay puwede ng i-level si Ms. Rivera sa ating mga Dance Empresses na sina Alma Moreno, Charlene Gonzales at Congresswoman Lucy Torres na may ganitong klase ng show na umeere ngayon sa TV 5. We heard ang anak ni Mr. Tony Tuviera na si Mike Tuviera ang naatasan ng GMA na magdirek ng nasabing show ni Marian. Malaki ang tiwala ng management na tatangkilikin nang husto ng milyong fans ni Marian ang kanyang new show na this time ay may kakaibang konsepto at bago sa paningin ng TV viewers.
By the way, aside sa bagong programa ay in-demand rin si Marian sa rami ng mga ini-endorsong mga produkto tulad ng Personal Collection fabric conditioner na Soft & Mmmmm, BioFitea, Hana Shampoo, SKK Mobile at ang Talk ‘N Text (bagong version). Malapit na ring ipakilala ang sexy actress bilang Summer Babe ng Belo Medical Group at soon ay ilulunsad na rin ito bilang bagong endorser ng Bench ni Mr. Ben Chan. She deserves all of this gyud!
VHONG NAVARRO PATULOY NA PINAG-UUSAPAN!
ARAW-ARAW ay may mga bagong balita kaugnay sa kasong isinampa ni Vhong Navarro laban kay Deniece Cornejo, Cedric Lee at sa kampo nito. Na ang latest ay nahuli na nga ng NBI at kapulisan si Cedric at Zimmer Raz na kasama ng negosiyante sa pagtago sa batas.
Habang pinag-uusapan si Vhong na vindicated sa kasong kinasasangkutan ay patuloy namang pinipilahan sa takilya ang comedy movie ng dancer/comedian para sa buong pamilyang Da Possessed kasama ang in demand sexy actress ngayong si Solenn Heussaff.
Sa lakas ng pelikula nationwide, kumita na ito ngayon ng mahigit 100 milyon sa takilya. Syempre, masayang-masaya sina Vhong at Solenn at mga co-stars, kasama ng director nilang si Bb. Joyce Bernal sa Da Possessed at ang Star Cinema dahil sa mainit na pagtanggap ng moviegoers sa latest offering ng number 1 movie outift sa bansa. We heard na dahil blockbuster ito ay magkakarooon agad ng sequel ang Da Possessed.
Tunay ngang nakabawi na si Vhong sa mga pinagdaanang pagsubok kung saan biktima siya. Mapanonood pa rin ang Da Possessed sa mahigit 130 na sinehan sa buong bansa. Isang pagkalakas-lakas na congratulations gyud!
The post Marian Rivera, Bagong Dance Empress Sa TV appeared first on Remate.
.. Continue: Remate.ph (source)
No comments:
Post a Comment