NALAGAS sa maikling engkuwentro, ang isa sa limang holdaper habang sugatan naman ang isang pulis nang magkrus ang kanilang landas kaninang madaling-araw sa Laguna.
Dead on the spot sanhi ng tama ng bala sa iba’t ibang parte ng katawan ang hindi nakilalang suspek na miyembro ng Buneknek Gang.
Sugatan naman sanhi ng tama ng bala sa kanang tuhod ang hindi pinangalanan na may ranggong Police Senior Inspector.
Sa ulat, naganap ang insidente ala-1:15 ng madaling-araw sa General Lim St., Barangay 5 Calamba, Laguna.
Bago ito, nagsasagawa ng surveillance operation ang mga tauhan ng Calamba City PNP sa lugar nang maispatan ang may limang kalalakihan na kahina-hinala ang ikinikilos.
Imbes tumigil, putok ng baril ang isinalubong ng mga suspek sa operatiba na gumanti ng putok at napatimbuwang ang isa sa kanila.
Ang Buneknek gang ay iniuugany sa serye ng robbery cases sa lugar, ayon pa sa ulat.
Narekober sa lugar ng basyo ng isang calibre 45 pistol.
The post Holdaper, tigbak, parak sugatan sa Laguna encounter appeared first on Remate.
.. Continue: Remate.ph (source)
No comments:
Post a Comment