NABISTO ang dalang shabu at baril ng isang rider kung saan natuklasan na may warrant of arrest pa matapos takbuhan ang mga sumitang pulis dahil walang suot na helmet ang sa Caloocan City, Lunes ng gabi, Oktubre 27.
Nakilala ang suspek na si Ace John Icban, 25, ng Gen. Luis, Kaybiga ng lungsod.
Batay sa ulat, alas-11:30 ng gabi, nagsasagawa ng Oplan Sita ang mga pulis sa Bagbaguin ng lungsod nang mapansin ang suspek na sakay ng motorsiklo at walang suot na helmet dahilan upang parahin.
Ngunit sa halip na tumigil, pinaharurot pa ng suspek ang dalang motorsiklo kaya hinabol siya at nang maabutan ay napansin ang dalang kalibre .45 ng suspek sa beywang at nang kapkapan ay nakuhanan pa ng sachet ng shabu dahilan para dalhin sa presinto at sampahan ng mga kaukulan kaso. RENE MANAHAN
.. Continue: Remate.ph (source)
No comments:
Post a Comment