NANGUPETE mula umpisa hanggang sa huling araw ng kumpetisyon sa 17th Asian Games na ginanap sa Incheon, Korea ay hilahod ang Team Philippines.
Isang malaking kabiguan para sa Pilipinas ang paglahok nasabing event dahil lumanding sila sa pang-22nd spot na may nahakot lang na 1-3-11 gold-silver-bronze medals.
Nanguna sa medal standings ang China na may (151-109-83).
Mabuti na lang at hindi na bokya ang Pilipinas sa gold medal dahil sinalba sila ni Fil-Am BMX rider Danny Caluag.
Lumanding naman sa pampito overall ang PHL team sa Southeast Asia, naungusan sila ng Thailand (6th, 12-7-28), Malaysia (14th, 5-14-14), Singapore (15th, 5-6-13), Indonesia (17th, 4-5-11), Myanmar (20th, 2-1-1) at Vietnam (21st, 1-10-25).
Sa penultimate day sinungkit ni lightweight boxer Charly Suarez ang ikatlong silver medal ng Pilipinas.
Ang naunang pilak ay galing kay Jean Claude Saclag sa men’s Sanda -60kg at Daniel Parantac sa men’s taijiquan at taijijian all-round, parehong sa wushu.
Tanso ang sinukbit nina archer Paul Marlon dela Cruz, boxers Mark Barriga, Mario Fernandez at Wilfredo Lopez, karateka Mae Soriano, taekwondo jins Benjamin Sembrano, Thomas Morrison, Mary Pelaez, Elaine Alora at Ronna llao at wushu artist Francisco Solis.
Samantala, hindi rin nakaporma ang Gilas-Pilinas sa basketball dahil hanggang 7th place lang ang nakayaanan nila.
Sa huling araw ng laban, nalasap ni karateka Gay Mabel Arevalo ang 8-0 loss sa women’s 50-kg class kontra Indonesian Sru Nita Sari Sukatendel. ELECH DAWA
.. Continue: Remate.ph (source)
No comments:
Post a Comment