Natalo vs Dorjnyambuu: Suarez, sumungkit ng silver

NALAGLAG sa silver ang pambato ng Pilipinas sa boksing na si Charly Suarez matapos gibain ni Mongolian fighter Otgondalai Dorjnyambuu sa kanilang final bout sa men’s lightweight division sa Asian Games sa Incheon, South Korea kahapon.

Dahil sa pagkatalo, naging tatlo na ang kinabig na silver ng Pilipinas kung saan dalawa dito ay mula kina wushu artists Jean Claude Saclag at Daniel Parantac.

Apat sa walong Pinoy boxers ang nakasungkit ng medalya, kasama rito sina Olympian Mark Anthony Barriga, Mario Fernandez at Wilfredo Lopez, na nagbulsa ng tig-iisang bronze medal.

Ang mga fighters na sina Dennis Galvan at Ian Clark Bautista ay maagang nalaglag sa medal round matapos matalo sa men’s light welterweight round of 32 at men’s flyweight round of 16, ayon sa pagkakasunod-sunod.

Samantala, sina female boxers Josie Gabuco at Nesthy Petecio ay nalaglag sa quarterfinals ng women’s flyweight at women’s lightweight divisions. RICO NAVARRO

.. Continue: Remate.ph (source)

Natalo vs Dorjnyambuu: Suarez, sumungkit ng silver