KRITIKAL ang isang lasing matapos barilin ng hindi pa kilalang lalaking sakay ng motorsiklo habang naglalakad kasama ang mga kainuman sa Caloocan City, Linggo ng madaling-araw, Agosto 24.
Ginagamot sa East Avenue Medical Center (EAMC) sanhi ng tama ng bala sa likod si Ricardo Ynes, 21, ng Phase 4, Bagong Silang ng lungsod.
Base sa ulat, alas-2 ng madaling-araw, natapos ang inuman ng biktima sa loob ng kanilang bahay ng ilang kaibigan at nagkayayaang bisitahin ang isa pang kaibigan sa Phase 9, Bagong Silang ng lungsod.
Habang naglalakad ay nakarinig ng mga putukan ang grupo ng biktima hanggang sa sumulpot ang suspek sakay ng hindi na naplakahan motorsiklo bago pinagbabaril ang grupo kung saan nahagip si Ynes.
Matapos ang pamamaril ay tumakas ang suspek habang dinala sa EAMC ang biktima kung saan inaalam na kung sino at ano ang motibo sa pamamaril ang una. Rene Manahan
.. Continue: Remate.ph (source)
No comments:
Post a Comment