ISINULONG sa Kamara ang pagpapalit ng North-Luzon Expressway (NLEX) sa Cory Aquino Expressway.
Nakapaloob ito sa House bill 4820 na inihain ni Nueva Ecija Rep. Magnolia Rosa Antonino-Nandres.
Sinabi ni Nandres na isinulong niya ang panukala dahil wala pa aniyang nakatayong infrastructure na nakapangalan sa dating pangulo bukod dito ay may nakapagkwento rin na tuwing pumapasok na sa NLEX si Cory ay nagsisimula na itong mag-rosaryo.
Isang paraan na rin aniya ito upang bigyang pagkilala si Aquino dahil sa ginawa nito sa Pilipinas.
Paliwanag pa ni Nandres na mahalaga sa buhay ng namayapang pangulo ang NLEX dahil dumadaan ito sa naturang highway sa tuwing uuwi ng Tarlac.
Magkagayunman, batid ni Nandres na maraming sector ang tututol sa kaniyang panukala.
Ang HB 4820 ay nasa committee level at nasa first reading na sa Kamara. Meliza Maluntag
.. Continue: Remate.ph (source)
No comments:
Post a Comment