Sekyu tigbak sa LBC robbery heist sa QC

MAY isang kaswalidad ang panghoholdap sa LBC courier service firm sa Cubao, Quezon City nitong Sabado ng umaga.

Sinabi ni P03 Alvin Quisumbing ng QCPD-Criminal Investigation and Detection Unit (CIDU) na ang kaswalidad ay si Rhom dela Cruz, guwardiya ng Jersan security agency.

Tinangka aniyang pigilan ni Dela Cruz ang pagtakas ng may apat na kalalakihang sakay sa dalawang motorsiklo na nangholdap sa LBC branch sa kanto ng Arayat at Malabito Streeets, sa Cubao.

Si Dela Cruz ay hindi na umabot nang buhay sa Quirino Memorial Medical Center (QMMC) sanhi ng limang tama ng bala ng kalibre 45 sa iba’t ibang bahagi ng katawan.

Bago ito, nasa kanyang posisyon sa isang hotel si Dela Cruz dakong 9 ng umaga nang maispatan ang mga kawatan na lumalabas sa nasabing LBC Express.

Kahit hindi na niya trabaho, hinabol ni Dela Cruz ang mga kawatan pero nabulaga lamang nang pagbabarilin ng mga suspek na lulan sa dalawang motorsiklo.

Pinasok ng mga suspek ang nasabing establisimiyento at nakakulimbat ng P11,000.

The post Sekyu tigbak sa LBC robbery heist sa QC appeared first on Remate.

.. Continue: Remate.ph (source)

Sekyu tigbak sa LBC robbery heist sa QC