COA chief Grace Pulido, walang pinagsisisihan sa kanyang termino

BUONG pagmamalaking ipinahayag ni Pulido-Tan, na wala siyang pinagsisisihan sa kanyang termino matapos magretiro nitong Lunes, Pebrero 2.

Sa panunungkulan nito, nagpalabas ang COA ng audit sa umano’y maanomalyang paggamit sa Priority Development Assistance Fund (PDAF) o pork barrel, Malampaya Fund, Disbursement Acceleration Program (DAP) at iba pang pondo ng bayan.

Ayon pa kay Pulido-Tan, marami pa siyang maiiwang audit report sa ahensya kabilang ang COA special report sa DAP at PDAF ng 2010 hanggang 2013.

Maglalabas din ang COA ng audit tungkol sa National Food Authority (NFA), Local Water Utilities Administration (LWUA) at Comprehensive Agrarian Reform Program (CARP).

Sa ngayon, balak muna ni Tan na gugulin ang panahon sa kanyang pamilya habang hinihintay kung magpapatuloy pa siya sa serbisyo publiko sa ibang tanggapan.

Taong 2011 nang italaga bilang COA chairperson si Tan matapos magbitiw si dating COA chief Reynaldo Villar. JOHNNY ARASGA

.. Continue: Remate.ph (source)

COA chief Grace Pulido, walang pinagsisisihan sa kanyang termino