PAGKATAPOS mag-aksyon sa Dugong Buhay ay mapapasabak si Ejay Falcon sa isang sexy serye na maka- kasama niya sina Ellen Adarna, JC De Vera, Coleen Garcia, Daniel Matsunaga at isa pang aktres.
Niluluto na raw ang naturang serye sa unit ni Direk Ruel Bayani at daraan pa sila sa sensuality workshop. Mangangabayo rin sila.
Tinanong din si Ejay after ng contract signing niya sa Unisilver Time kung ano ang reaksyon niya sa pagiging big winner ni Daniel Matsunaga na maraming bumabatikos
“Lagi namang ganoon, e! Kasi may kanya-kanyang manok. Kung sino ‘yung fans ni Jane (Oineza), kung sino ‘yung fans nina Mariz. So, talagang hindi na bago ‘yun. Lahat naman pinagdaanan ‘yun.
“Pero napanonood ko, mabait naman si Daniel, e! Nababaitan ako sa kanya. Parang hindi siya nag-iisip ng masama sa mga housemate,” deklara pa niya.
Ano naman ang masasabi niya sa gymmate niyang si Aljur Abrenica na hanggang ngayon ay pinupuna ang acting. Kitang-kita kasi ang improvement ni Ejay simula nu’ng magsimula siya sa showbiz?
Ilang workshop naman kasi ang pinagdaanan niya kaya nakikita na ang husay niya sa acting.
“Sa akin kasi pag sinabing hindi marunong umarte, mas ‘yun ang nagtutulak sa akin para galingan, para patunayan sa mga tao na kaya kong umarte. Ayaw kong mapahiya ‘yung mga taong nagbibigay ng trabaho sa akin. Ayaw kong sayangin ‘yung ibinigay sa aking oportunidad. Tingnan sguro niya ‘yung responsibilidad na ibinigay ng network kaya kailangang galingan.
“Kailangang makinig talaga sa lahat ng tao sa set, sa mga co-actors mo, sa director mo. Ako kasi naakikinig talaga, ayaw kong maging pasaway,” sey pa niya.
Talbog!
-0o0-
Dahil hindi kinaya ng schedule ni Iza Calzado, si Vina Morales na ang leading lady ni Robin Padilla sa kanyang filmfest entry na “Bonifacio”.
“Kasi ang nangyari run, hindi nagkasabay ‘yung schedule ni Iza. E, ‘yung aming production, alam ninyo na ‘yung mga aral sa America, hindi sila mag-a-adjust sa mga artista, wala sa kanila ‘yung ganoon.
“Marami silang inalis sa cast na mga big stars na nalungkot talaga ako, Kasi nga ang gusto ng mga big stars, mag-a-adjust ang production, Sa kanila, hindi ‘yun pwede. Kasi kalahati ng production namin galing sa America.
“Yung fight choreographer lang namin galing America, hindi siya maghahantay. So, ang nangyari, tinanong ko si Mariel (Rodriguez). Nung una si Mariel ang kinukuha nila. E, si Mariel, aalis pupuntang America.
“Tinanong ko si Mariel kung sino. Sabi niya, si Vina. So run pumasok ‘yung pangalan ni Vina dahil sa suggestion ni Mariel.
“Ako kasi, ang kinukuha ko, opinyon ng bata. Kasi ‘yung generation ni Mariel, bata eh. So kailangan ko siyang laging tinatanong,” sambit ni Robin nang makatsikahan siya sa taping ng “Talentadong Pinoy” ng TV5 na palabas tuwing Sabado, 7 pm.
Wala namang selos factor si Mariel sa muling pagsasama nina Binoe at Vina kahit nagkarelasyon dati ang dalawa.
“Alam niya ‘yun, pero wala lang ‘yun sa kanya,” sey pa ng action superstar
-OoO-
Buong ningning na sinabi ni Anne Curtis hindi siya close kay Sam Concepcion na boyfriend ng youngest sister niyang si Jasmine. Sa tanong kung nag-i-effort si Sam na maging close sa kanya, ang sagot ni Anne ay no comment.
Well, dapat siguro ay makipag-close rin si Sam sa pamilya ni Jasmine. Dapat ay magkaroon siya ng effort na mapalapit siya sa pamilya ni Jasmine.
-0o0-
Bilib din kami kina Anne Curtis at Sam Milby dahil naging friends sila at nagkakasama sa trabaho kahit may pinagdaanan silang relasyon.
Mahabang chica raw ang dahilan kung bakit sila naghiwalay.
“Honestly, we’ were young. Kaya andun lagi ‘yung away namin,” sey naman ni Sam na umabot din ng apat na taon.
Tsuk!! XPOSED/Roldan Castro
..
Continue: Remate.ph (source)
Mabait at parang hindi nag-iisip nang masama sa kapwa housemate
