PINAKAKSUHAN na ng Department of Justice (DoJ) ang mga suspek sa pagkamatay ng hazing victim na si Guillo Cesar Servando, estudyante ng Dela Salle-College of St. Benilde.
Sa 26-pahinang resolusyon, inirekomenda ang pagsasampa ng kasong paglabag sa Republic Act 8049 o Anti-Hazing Law laban sa 14 na suspek.
Kasama sa pinasasampahan ng kaso sina Cody Errol Morales, Daniel Paul Martin Bautista alyas ‘Pope Bautista’, Kurt Michael Almazanx alyas ‘Kurte’, Esmerson Nathaniel Calupas alyas ‘Emeng’, Hans Killian Tatlonghari alyas ‘Hans Tamaring’, Eleazar III Pablico alyas ‘Trex Garcia’, John Kevin Navoa, Vic Angelo Dy, Mark Andrew Ramos, Michael David Castaneda, Justin Francis Reyes alyas ‘Jay Ray’ at ‘Kiko’, alyas ‘Bea’ at Isang Jane Doe.
Samantala, inabswelto sa kaso si Jemar Pajarito, ang caretaker ng bahay sa Makati kung saan nangyari ang initiation rites dahil sa kawalan ng sapat na ebidensya.
Abswelto sina Luis Solomon Arevalo, Carl Francis Loresca, Steven Jorge Penano alyas ‘Penny’, Ma. Teresa Dayanghirang at Alyssa Federique Valbuena.
Matatandaang si Servando ay namatay matapos umanong sumailalim sa initiation rites ng Tau Gamma fraternity noong June 28, 2014. TERESA TAVARES
.. Continue: Remate.ph (source)
No comments:
Post a Comment