ITINANGGI rin ng isa pang hotel na binanggit ng aspiring beauty queen na si Roxanne Cabañero na roon sila nanatili nang mangyari ang sinasabing panggagahasa sa kanya ng TV host-actor na si Vhong Navarro.
Sinabi ng Millenia Suites na bagama’t sponsor sila sa Miss Bikini Philippines noong 2010, ay hindi naman tumutugma sa petsang April 24 kung kailan sinabi ni Cabañero na naganap ang rape.
Ayon sa Millenia Suites, hindi April 24 tumuloy sa kanila ang mga kandidata pero ang Miss Bikini Philippines na umano ang dapat magbigay ng detalye.
Unang sinabi ni Cabañero sa kanyang sworn affidavit na sa Astoria Plaza siya sinundo ni Vhong nang maganap ang panggagahasa pero inaming nagkamali sa binanggit na hotel matapos itanggi ng Astoria Plaza na naging sponsor sila sa pageant.
Sinabi rin ng abogado ni Cabañero na si Atty. Virgilio Batalla na nangyari ang panggagahasa sa pagitan ng Abril 24 hanggang 27, taliwas sa nakasaad sa affidavit nito na April 24, 2010 ng gabi.
Sa darating na Marso 13 itinakda ang preliminary investigation sa kasong rape na inihain ni Cabañero laban kay Vhong Navarro.
Dahil dito, lalo lamang umanong nahahayag ang pagsisinungaling ni Cabañero sa pagbanggit ng hotel na Astoria Plaza.
The post Rape complaint ni Cabañero pinasinungalingan ng isa pang hotel appeared first on Remate.
.. Continue: Remate.ph (source)
No comments:
Post a Comment