Mga estudyante at guro nalason sa hamburger

NAGPAPAGALING na sa ngayon ang isang grade 6 pupil matapos isinugod sa ospital makaraang malason ng kinaing hamburger.

Ayon sa report, dumalo sa kaarawan ng kanyang kaklase ang biktimang si Annaliza, hindi tunay na pangalan, estudyante ng Notre Dame of Kabacan Incorporated (NDKI).

Kasama niya ang kanyang mga kaklase at guro.

Ilang oras lamang ang nakalipas nang makakain ng hamburger ang biktima ay nakaramdam na ito ng pananakit ng tiyan at pagsusuka.

Maliban sa nasabing estudyante, sumama rin ang pakiramdam ng pito pang mga kamag-aral nito at ng kanilang mga guro.

Si Annaliza lamang ang hindi nakayanan ang pananakit ng tiyan kaya’t siya lamang ang isinugod sa Kabacan Polymedic Hospital.

Batay sa resulta ng eksaminasyon ng doktor, nalaman na sumakit ang tiyan nito dahil sa pagkalason, maliban pa sa pag-atake ng acute gastritis na karamdaman nito.

The post Mga estudyante at guro nalason sa hamburger appeared first on Remate.

.. Continue: Remate.ph (source)

Mga estudyante at guro nalason sa hamburger