Judge patay sa ambush sa Zamboanga

KUNG sa Quezon City ay sinasakal ang isang state prosecutor ng mismong presong hinatulan nito, inambus naman ang isang judge sa Zamboanga City kaninang umaga, Pebrero 28.

Dead on arrival sa pagamutan sanhi ng tama ng bala sa iba’t ibang parte ng katawan ang biktimang si Zamboanga City Judge Reynerio Estacio ng Regional Trial Court (RTC) Branch 23.

Blangko pa ang pulisya sa kung sino ang nasa likod ng krimen pero isa sa mga sinisilip na motibo ay may kaugnayan sa mga kasong hinahawakan ng biktima.

Naganap ang insidente dakong 8:45 ng umaga sa tapat ng babay ng biktima

Bago ito, kasasakay lang ng biktima sa kanyang kotse at nasa tapat pa ng kanilang bahay nang biglang sumulpot ang mga suspek at pinagbabaril ang biktima na nagmamaneho ng sasakyan.

Nitong Huwebes lamang ng umaga, sinakal naman ng presong si Onefre Surat Jr. Si QC-RTC state prosecutor Judge Richard Fadullon pagkalabas nito ng mismong court room na kanyang pinagbasahan ng sakdal sa nasabing preso.

Sinasabing sa harapan nakaposas ang dalawang kamay ni Surat Jr. Kaya nasakal nito sa galit si Fadullon.

Kaugnay nito, nagpahayag na ng pagkadismaya ang Integrated Bar of the Philippines (IBP) sa pamamaslang sa itinuturing na haligi ng Zamboanga City Hall of Justice na si Estacio at sa nangyaring pagsakal kay Fadullon.

The post Judge patay sa ambush sa Zamboanga appeared first on Remate.

.. Continue: Remate.ph (source)

Judge patay sa ambush sa Zamboanga