PATAY ang dalawa katao habang nasa malubhang kalagayan sa ospital ang dalawang nasugatan sa pagsalpok ng isang motorsiklo sa nakaparadang Isuzu cargo truck sa kahabaan ng National highway sa Tarinsing, Cordon, Isabela.
Ang mga namatay na lulan ng Euro single motorcycle ay sina Edmund Sumigcay, 20, ng Turod Sur, Cordon, Isabela, at Jimboy Gabayan, 19, ng Rizal, Santiago City.
Patuloy namang nilalapatan ng lunas sa isang ospital sa bayan ng Cordon ang dalawa pa nilang kasamahan na sina Jovic Melanio, ng Turod Sur, Cordon, Isabela, at Darwin Melanio, 23, ng Rizal, Santiago City.
Lumalabas sa imbestigasyon ng Cordon Police Station, na patungo sa direksyon ng Santiago City ang motorsiklo ng hindi mapansin ang nakaparadang cargo truck sa kanang bahagi ng daan kaya sumalpok sa likurang bahagi nito.
Sa lakas ng impact ay tumilapon ang apat at namatay doon din sina Sumigcay at Galabay.
Nasa kostodiya na ng pulis ang tsuper ng nakaparadang sasakyan na kinilalang si Edwin Mariano, residente ng Pulay Buli, Sto. Domingo, Nueva Ecija at sasampahan ng kaukulang kaso.
Sinabi ni SPO4 Bernardino Labog, tagasiyasat ng Cordon Police Station na batay sa kanilang imbestigasyon ay nasa impluwensiya ng alak ang mga biktima.
Galing sila sa isang bahay sa Cordon na nagkaroon ng inuman bago sila bumiyahe patungo sa Santiago City.
The post Cargo truck sinuwag ng motor, 2 tepok appeared first on Remate.
.. Continue: Remate.ph (source)
No comments:
Post a Comment