NASUNGKIT ng isang taga-Batangas ang mahigit P89 milyon jackpot prize mula sa 6/49 Super Lotto habang walang nakakopo sa 6/55 Grand Lotto na magkasunod na binola kagabi sa tanggapan ng Philippine Charity Sweepstakes Office (PCSO) sa Pasay City.
Napag-alaman kay PCSO General Manager Jose Ferdinand Rojas II, isang taga-Lipa City ang tumaya sa pamamagitan ng lucky pick kung saan nakuha ang kombinasyong 30-44-45-07-39-48 na may katumbas na P89,065,812.00 papremyo ng 6/49 Super Lotto.
Kaugnay nito, inaasahang aabot sa mahigit P77 milyon ang jackpot prize ng 6/55 Grand Lotto matapos wala isa mang nakasungkit sa kombinasyong 54-17-28-55-23-05 na may katumbas na premyong P72,648,656.00.
Pinayuhan naman ni Rojas ang nagwagi na iwasang malukot, mabasa, mainitan o malagyan ng anumang mantsa ang hawak na tiket upang hindi mabalewala ang kanyang panalo.
Tanging ang may-hawak aniya ng nagwaging tiket ang makakakuha lamang ng kabuuang premyo.
The post P89M jackpot prize sa lotto nasungkit ng Batangueño appeared first on Remate.
.. Continue: Remate.ph (source)
No comments:
Post a Comment