DAGUPAN CITY – Mahigit sa P400,000 halaga ng shabu ang nasamsam ng pulisya na binalot sa candy wrapper ang nakuha sa mga naarestong suspek sa isinagawang buy-bust operations noong Huwebes ng gabi.
Kinilala ni Dagupan City chief of police Supt. Christopher Abrahano, ang mga suspek na si Bulao Jamal, 30, tubong Marawi City, ng Dagupan City at dalawang menor-de-edad.
Sa imbestigasyon, bago nangyari ang buy-bust operation ay nakatanggap ang lokal na pulis ng intelligence report na si Jamal ay nagsu-supply ng shabu sa syudad at kalapit bayan nito.
Isang surveillance ang isinagawa ng police at nagkaroon ng buy-bust operation ng mag-deliver umano ang suspek gamit ang dalawang menor-de-edad sa isang customer sa Dagupan City.
Dalawang agent ng PNP ang tumayong shabu buyer at nagkuwaring bumili ng ipinagbabawal na gamot.
Para hindi halatado, ginamitan ng mga suspek ng candy wrapper para pambalot sa shabu.
Nakumpiska ng mga police ang 22 sachet ng shabu at marked money na ginamit sa buy-bust operation.
Nakakulong na ang tatlong suspek.
The post P.4M shabu nasabat sa 3 sa Dagupan appeared first on Remate.
.. Continue: Remate.ph (source)
No comments:
Post a Comment