PATAY ang isang magsasaka matapos paulanan ng bala ng hindi pa matukoy na grupo ng kalalakihan sa bayan ng Buguey, Cagayan.
Kinilala ang biktimang si Ronald Esquibil, 36, may asawa, ng Bgy. Tallungan Aparri.
Ayon sa mga awtoridad, nagtungo ang biktima kasama ang kanyang ka-live-in sa isang Banurbur Irrigation System malapit sa kanilang tirahan.
Habang sila’y pauwi na sakay ng isang motorsiklo na walang plaka ay bigla na lamang silang nakakita ng humigit kumulang sa 10 katao na may mga bitbit na baril.
Sa hindi inaasahang pagkakataon ay bigla na lamang pinagbabaril ang biktima.
Ayon sa ka-live-in ng biktima, nasa 10 kilometro lamang ang layo ng mga suspek sa kanilang kinaroroonan.
Pilit nilang nilayuan ang mga suspek subalit kinorner nila ang biktima sa palayan at binaril sa ulo habang nakatakbo ang karelasyon nito.
Kaagad namang rumesponde ang mga awtoridad sa lugar nang malaman ang insidente.
Narekober sa pinangyarihan ng krimen ang tig-isang basyo ng bala ng M14, M16, isang bala ng M16, at dalawang holster na pagmamay-ari ng biktima at sa mga hindi pa nakikilalang suspek.
Sa ngayon ay pinaghahanap ang mga suspek upang matukoy kung anong motibo sa pagpatay sa biktima. MARJORIE DACORO
.. Continue: Remate.ph (source)
No comments:
Post a Comment