NANINDIGAN si House Speaker Feliciano Belmonte, Jr. na burado na ang Priority Development Assistance Fund (PDAF) o pork barrel sa 2015 national budget.
Ito’y bilang pagsalungat sa pahayag ni Senador Miriam Defensor-Santiago na ang national budget para sa susunod na taon ay nagtataglay pa rin ng pork barrel sa pamamagitan ng bagong kahulugan ng savings na umanoy labag sa batas.
Giit ni Belmonte, ang inaprubahang P2.606-trilyon na General Appropriations Bill ay constitutional at pork barrel free.
Binatikos rin ni Santiago ang P37.3-bilyon lump sum funds sa mga ahensya ng gobyerno tulad ng Department of Health (DoH), Department of Social Welfare and Development (DSWD), Department of Labor and Employment (DoLE), Department of Public Works and Highways (DPWH), at ng Commission on Higher Education (CHEd).
Sinabi pa ni Belmonte na ang pahayag ni Santiago ay sariling opinyon at dahil sigurado ang Kamara na masusing sinunod ang desisyon ng korte sa pag-apruba sa budget. MELIZA MALUNTAG
.. Continue: Remate.ph (source)
No comments:
Post a Comment