YUMUKO ang Men’s team subalit nanggulat naman ang Women’s team ng Pilipinas sa round three ng nagaganap na 41st World Chess Olympiad sa Tromso, Norway kagabi.
LAYLAY ang balikat ng Phl team sa open division matapos ang 1-3 loss kontra No. 2 seed Ukraine habang tinablahan ng mga Pinay woodpushers ang powerhouse team at No. 8 seed Poland, 2-2.
Nakipaghatian ng puntos sina WIM Chardine Cheradee Camacho at WFM Janelle Mae Frayna kina GM Monika Socko at WGM Jolanta Zawadzka sa boards 1 at 2 ayon sa pagkakasunod habang nanaig si Jan Jodilyn Fronda kay WGM Karina Horowska Szczepkowska sa board 3.
Tanging si WIM Catherine Perena ang nabigo sa Phl Women’s team kontra WGM Marta Bartel.
Pinisak ni Fronda (elo 2098) si Szczepkowska (elo 2380) sa 63 moves ng Sicilian para iangat ang Pilipinas sa 13th place hawak ang five match point.
Umabot naman ng 37 sulungan ng French ang laban ni Camacho (elo 2214) kay Socko (elo 2470) bago nakipaghatian ng puntos habang tumagal ng 66 moves ng English ang labanan nina Frayna at Zawadzka.
Makikilatis na naman ang mga Pinay sa round four dahil babanggain nila ng No. 11 seed Spain.
Sa Pinoy chessers, nakatabla sina GM Julio Catalino Sadorra at Asia’s first grandmaster Eugene Torre kina super GMs Vassily Ivanchuk (elo 2744) at Anton Korobov (elo 2680) sa boards 1 at 3.
Natalo naman sina GM John Paul Gomez at 16-year-old FM Paulo Bersamina kina GMs Ruslan Ponomariov (elo 2717) at Alexander Moiseenko (elo 2707) upang mapako sa 3 MP.
Susunod na makakaharap ng men’s team ang Finland sa event na ipinatutupad ang 11-round swiss system at match poin scoring system. Elech Dawa
.. Continue: Remate.ph (source)
No comments:
Post a Comment