NAGPAKITANG gilas agad ang Philippine Chess team first round ng 41st World Chess Olympiad na binuksan kagabi sa Tromso, Norway.
Pinadapa ng No. 52 seed Philippines ang ranked No. 138 na Afghanistan, 3.5-0.5 upang ilista ang two-match point sa event na ipinatutupad ang 11-round swiss system.
Nagwagi sina Pinoy GMs Julio Catalino Sadorra, John Paul Gomez at Asia’s first grandmaster Eugene Torre sa boards 1, 2 at 3 ayon sa pagkakasunod habang tabla ang laro ni 16-year-old FM Paulo Bersamina (elo 2363) kay Ahmadi Zabiullah (elo 2031) matapos ang 82 moves ng Caro-Kann.
Pinabagsak ni Sadorra (elo 2590) si FM Kooshani Mahbuboollah (elo 2036) sa 32 sulungan ng Reti opening habang kinalos ni Gomez (elo 2526) si FM Asefi Zaheeruddeen (elo 1996) na inabot naman ng 49 sulungan ng Benko Gambit.
Si Torre (elo 2438) na gumawa ng historya sa chess dahil sa kanyang 22nd appearance sa world’s biggest chess stage ay nagwagi ng default kay Sarwary Hamidullah (elo 1920).
Sa round 2, masusubukan ang tikas ng mga Pinoy woodpushers sa pakikipagdikdikan ng isip sa No. 42 seed Bosnia & Herzegovina na winalis ang Nepal.
Sumabay na nag martsa ang Philippine Chess Team sa mga bigating bansa tulad ng No. 2 Ukraine na binabanderahan ni super grandmaster Vassily Ivanchuk at host country Norway sa pangunguna ni reigning World Champion GM Magnus Carlsen.
Tinalbos ng Ukraine ang Tunisia, 4-0 habang pinisak ng Norway ang Yemen, 2.5-1.5.
Samantala, hindi naman nagpadaig ang Women’s chess team ng Pilipinas sa distaff side.
Walang-awang pinaluhod nina WIM Chardine Cheradee Camacho, WFM Janelle Mae Frayna, Jan Jodilyn Fronda at WIM Catherine Perena ang kanilang kalaban na Palau, 4-0, para ilista ang two MP.
Kakalabanin ng Pinay chessers ang ICCD sa second round. Elech Dawa
.. Continue: Remate.ph (source)
No comments:
Post a Comment