Pinoy, vatican representative sa UN

ITINALAGA ni Pope Francis ang isang arsobispong Pinoy upang maging kinatawan ng Vatican sa United Nations (UN).

Batay sa ulat ng Catholic Bishops Conference of the Philippines (CBCP), si Apostolic Nuncio Haiti Archbishop Bernardito Auza, ang napili ni Pope Francis upang maging Permanent Representative ng Holy See sa UN.

Papalitan ni Auza si Archbishop Francis Chullikatt ng India, na siyang kauna-unahang non-Italian na umakto bilang Permanent Representative to the UN ng Holy See.

Ayon sa CBCP, si Auza, 55, tubong Talibon, Bohol, ay isang career diplomat at nagsilbing Apostolic Nuncio to Haiti at Apostolic Administrator ng capital city nito na Port-au-Prince, matapos ang magnitude 7.0 na lindol noong 2010.

Bago magsilbi sa Haiti, nagsilbi rin si Auza bilang miyembro ng Permanent Mission of the Holy See sa UN.

Ang anunsyo ng appointment ni Auza ay lumabas sa L’Osservatore Romano, na siyang official newspaper ng Vatican.

The post Pinoy, vatican representative sa UN appeared first on Remate.

.. Continue: Remate.ph (source)

Pinoy, vatican representative sa UN