LONDON (Reuters)– Ramdam ni dating world number one Rory McIlroy na mag-iiba na ang kanyang kapalaran at target na makasungkit ng dalawang major championship ngayong taon upang makabawi mula sa nakadidismayang pagpapakita noong 2013.
Nangibabaw ang Northern Irishman sa golf noong 2012 matapos makakopo ng limang titulo, ngunit ang pagbabago sa ginamit na equipment at off-course legal distractions ay naging sanhi upang siya ay dumausdos pababa sa ikaanim na puwesto.
Tinapos ni McIlroy ang 12 buwang tagtuyot nang manalo sa Australian Open noong nagdaang buwan at sinabing ang kanyang pagwawagi ay nagpanumbalik ng kanyang paniniwala na kaya niyang manalo ulit papasok sa bagong season.
“I feel that my game is really coming back, going down to Australia and winning,” lahad ng 24-anyos sa BBC.
“Beating (world number two) Adam Scott down there was really nice and while it doesn’t make up for the other weeks during the year, it gives me some momentum for 2014. I won a major in 2011 and 2012 but not in 2013 so I’ll try to make up for that with two this year.”
Ayon pa kay McIlroy, inanunsiyo ang kanyang engagement kay dating world number one tennis player Caroline Wozniacki nitong linggo, na natututo na siyang hawakan ang pressure ng paglalaro sa mga malalaking torneo sa golf.
“I’m so much better down the stretch and so much better under pressure than I used to be,” aniya.
“If I give myself a chance in these tournaments I know I’ll have a great opportunity to win. I feel I am very close, I’m confident with my game and confident where it’s going,” dagdag ni McIlroy na napanalunan ang U.S. Open noong 2011 at U.S. PGA Championship makalipas ang isang taon. “I didn’t have the greatest of seasons in 2013 but I feel like I’ll definitely make up for that in 2014.”
.. Continue: Balita.net.ph (source)
No comments:
Post a Comment